“En mi ka maak Joe Naam bekent na sender, en will maak die bekent; voor dat die Liefde, met die Joe hab mi lief, kan wees nabinne sender, en mi nabinne sender.” (Joh 17:26 negerhollands)
“As God kleed dan die Gras op die Veld soo, die staan doch van Dag, en morg die word gegooyt nabinne die Oven, Em no sal doe die dan veelmeer na dender? O jender Kleengloosigen” (Mt 6:30 negerhollands)
“As dan God Kleed die Gras soo, die staan van Dag op die Veld, en morg die word gegooyt nabinne die Oven, hoe veel meer Em sal kleed jender, o jender Kleengloosigen?” (Lu 12:28 negerhollands)
“Maar na Em, die eewig Koning, die onverganglik en onsichtbaar en alleen wies God, wees Eer en Heerlikheid in all Eewigheid. Amen.” (1Ti 1:17 negerhollands)
“En a sweer by Em, die leev van Eewigheid tot Eewigheid, die ka maak die Hemel, en wat ben nabinne, en die Aarde, en wat ben nabinne, en die See, en wat ben nabinne, dat verder no sal wees een Tid meer.” (Opb 10:6 negerhollands)
“Want God ka hab die Werld soo lief, dat Em in gie si eenig gebooren Soon, voor dat allemaal, die gloof na Em, no sal word verlooren, maar sal hab die eewig Leev.” (Joh 3:16 negerhollands)
“En doch Em no ka lat Em selv sonder Getugnis, Em ka doe na ons moeschi Goets, en van die Hemel Em ka gie na ons Regen en vruchtbaare Tid, en ka vervoell ons Herten met Kost en Vrolikheid.” (Hnd 14:17 negerhollands)
“Welk, voordoor Em ben die Afskiensel van si Heerlikheid, en die express Evenbeeld van si Selvstandigheid, en draag allemaal Dingen met si krachtig Woord, en ka maak die Reiniging van ons Sonden, door Em selv, set na die rechter Hand van die Majesteit in die Hoogte.” (Heb 1:3 negerhollands)
“Na dieselvde Uur Jesus a kom bli in die Geest, en a see: Mi pries Joe, Vader en Heere van die Hemel en Aarde, dat Joe ka verberg deese Dingen voor die Wiesen en Verstandigen, en ka openbaar die na die Onmondigen. Ja Vader, even soo die a wees die Welbehagen navoor Joe.” (Lu 10:21 negerhollands)
“Maar God ka kies ut, wat ben dwaas navoor die Werld, dat Em a will maak die Wiesen beskaamt; en God ka kies ut, wat ben swak navoor die Werld, dat Em a will maak die Sterke beskaamt;” (1Co 1:27 negerhollands)
“Met die, dat die Dingen van God, die no ben vor kik, die ben, si eewig Kracht en Godheid, kom bekent, en ben vor kik, as Volk neem die waar, na die Werken, naamelik na die Skepping van die Werld; soo, dat sender hab niet een Excus.” (Ro 1:20 negerhollands)
“Voor dat jender kan wees Kinders van jender Vader, die ben nabinne die Hemel. Want dieselvde lat si Son kom op over die Quaajen en over die Goejen, en lat vall Regen over die Rechtveerdigen en Onrechtveerdigen.” (Mt 5:45 negerhollands)
“Die eerste Mensch ben van die Aarde, en aardsch, die tweede Mensch ben die Heere van die Hemel.” (1Co 15:47 negerhollands)
“Voordaarom mi see na jender: No draag Sorg voor jender Leev, wat jender sal jeet, of wat jender sal drink; ook niet voor jender Lichaam, wat jender sal doe aan. Ben dan die Leev niet meer as die Kost? en die Lichaam meer as die Kleeding?” (Mt 6:25 negerhollands)
“Salig ben die Vredemaakers; want sender sal word genaamt Kinders van God.” (Mt 5:9 negerhollands)
“Heere, Joe ben waerdig vor ontvang Heerlikheid, en Eer, en Kracht: want Joe ka maak allegaar Goed, en door Joe Will allemaal Dingen ben da, en ben geskapen.” (Opb 4:11 negerhollands)
“Lat jender licht skien soo navoor die Menschen, dat sender kan kik jender goeje Werken, en verheerlik jender Vader, die ben nabinne die Hemel.” (Mt 5:16 negerhollands)
“En die a see met groot Stem: Vrees God, en gie na Em die Heerlikheid, want die Uur van si Oordeel ka kom; en bed aan Em, die ka maak die Hemel en die Aarde, en die See en die Water-Springen.” (Opb 14:7 negerhollands)
“En elk Creatur, die ben nabinne die Hemel, en op die Aarde, en na onder die Aarde, en nabinne die See, en allegaar, wat ben nabinne dieselvde, mi a hoor see: Na Em, die set op die Troon, en na die Lam wees die Dank, en die Eere, en die Heerlikheid, en die Macht van Eewigheid tot Eewigheid.” (Opb 5:13 negerhollands)
“En a see: Amen, die Segen, en die Heerlikheid, en die Wiesheid, en die Dank, en die Pries, en die Kracht, en die Sterkte, wees na ons God, van Eewigheid tot Eewigheid. Amen!” (Opb 7:12 negerhollands)
“En a see: Ons dank Joe, Heere, allmachtige God; die ben, en die a wees, en die sal kom, dat Joe ka neem aan Joe groote Kracht, en regeer as Koning.” (Opb 11:17 negerhollands)
“En mi a hoor een groot Stem, die a see nabinne die Hemel: Noe die Heil, en die Kracht, en die Koningrik, en die Macht ka kom van ons God, en van si Christus, voordoor die Verklaager van ons Broeders ben neer gegooyt, die a verklaag sender navoor God, Dag en Nacht.” (Opb 12:10 negerhollands)
“En vor verlicht allemaal, voor dat sender kan bemerk, welk ben die Gemeenskap van die Verborgenheid, die ka wees verborg van die Begin van die Werld, in God, die ka maak allemaal Goed, door Jesus Christus.” (Efe 3:9 negerhollands)
“Naader na God, soo Em sal naader na jender. Reinig jender Handen, jender Sondaars! en maak jender Herten kuisch, jender dobbelhertige!” (Jak 4:8 negerhollands)
“Want sender no ken die Gerechtigheid van God, en soek vor recht op sender eigen Gerechtigheid, en volgens die, sender no ben onderdaanig na die Gerechtigheid van God.” (Ro 10:3 negerhollands)
“Verders, as ons a ka hab die Vaders van ons Vleesch tot Kasteyers, en ons a respecteer sender; ons sal wees dan niet veel meer onderdaanig na die geestlik Vader, dat ons leev?” (Heb 12:9 negerhollands)
“Gie Eer na elkeen. Hab die Broederskap lief. Vrees God. Eer die Koning.” (1Pe 2:17 negerhollands)
Kanisa la Christadelphian huko Anderlecht 